ظاہر تو ہے تو میں نہاں ہوں
ظاہر تو ہے تو میں نہاں ہوں
باطن تو ہے تو میں عیاں ہوں
تو ہی ظاہر ہے تو ہی باطن
تو ہی تو ہے تو میں کہاں ہوں
تیرے ہوتے کہیں نہیں میں
اول آخر نہ درمیاں ہوں
تو تو میں میں نے مار ڈالا
دم بند ہے کیجئے نہ ہاں ہوں
میں ہی لیلیٰ ہوں میں ہی محمل
ناقہ بھی ہوں میں ہی سارباں ہوں
ہوں کنج قفس میں بند لیکن
بیرون زمین و آسماں ہوں
دریا کی طرح رواں ہوں لیکن
اب تک بھی وہیں ہوں میں جہاں ہوں
جز نام نہیں نشان میرا
سچ مچ میں بحر بیکراں ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
