zahiran ye but to hain nazuk gul-e-tar ki tarah

zāhiran ye but to haiñ nāzuk gul-e-tar kī tarah

dil magar hotā hai kam-baḳhtoñ kā patthar kī tarah

jalva-gāh-e-nāz meñ dekh aa.e haiñ sau baar ham

rañg-e-rū-e-yār hai bilkul chuqandar kī tarah

mūnis-e-tanhā.ī jab hotā nahīñ hai ham-ḳhayāl

ghar meñ bhī jhanjhaT huā kartā hai bāhar kī tarah

aap behad nek-tīnat nek-sīrat nek-ḳhū

harkateñ karte haiñ lekin aap bandar kī tarah

jis ke haamī ho ga.e vaa.iz vo baazī le gayā

ahmiyat hai aap kī duniyā meñ joker kī tarah

allāh allāh ye sitam-gar kī qayāmat-ḳhez chaal

roz hañgāma huā kartā hai mahshar kī tarah

pūchhne vaale ġham-e-jānāñ kī shīrīnī na pūchh

ġham ke maare roz uḌāte haiñ muza.afar kī tarah

zeb-e-tan vaa.iz ke dekhī hai qabā-e-zar-nigār

sar pe amāma hai ik dhobī ke gaTThar kī tarah

dost ke īfā-e-va.ada kā hai ab tak intizār

guzrā october november bhī september kī tarah

naaz meñ andāz meñ raftār meñ guftār meñ

ardalī bhī haiñ collector ke collector kī tarah

nashsha-bandī chāhte to haiñ ye haamī diin ke

phir bhī mil jaa.e to pī leñ shīr-e-mādar kī tarah

ho rahā hai jis qadar bhī 'shauq'-sāhab insidād

utnī hī kaTtī hai rishvat muulī gājar kī tarah

zahiran ye but to hain nazuk gul-e-tar ki tarah

dil magar hota hai kam-baKHton ka patthar ki tarah

jalwa-gah-e-naz mein dekh aae hain sau bar hum

rang-e-ru-e-yar hai bilkul chuqandar ki tarah

munis-e-tanhai jab hota nahin hai ham-KHayal

ghar mein bhi jhanjhaT hua karta hai bahar ki tarah

aap behad nek-tinat nek-sirat nek-KHu

harkaten karte hain lekin aap bandar ki tarah

jis ke hami ho gae waiz wo bazi le gaya

ahmiyat hai aap ki duniya mein joker ki tarah

allah allah ye sitam-gar ki qayamat-KHez chaal

roz hangama hua karta hai mahshar ki tarah

puchhne wale gham-e-jaanan ki shirini na puchh

gham ke mare roz uDate hain muzafar ki tarah

zeb-e-tan waiz ke dekhi hai qaba-e-zar-nigar

sar pe amama hai ek dhobi ke gaTThar ki tarah

dost ke ifa-e-wada ka hai ab tak intizar

guzra october nowember bhi september ki tarah

naz mein andaz mein raftar mein guftar mein

ardali bhi hain collector ke collector ki tarah

nashsha-bandi chahte to hain ye hami din ke

phir bhi mil jae to pi len shir-e-madar ki tarah

ho raha hai jis qadar bhi 'shauq'-sahab insidad

utni hi kaTti hai rishwat muli gajar ki tarah