zahiri aankh se pinhan tum ho

zāhirī aañkh se pinhāñ tum ho

dīda-e-dil se numāyāñ tum ho

ġhuncha-o-lāla-o-raihāñ tum ho

ye gulistāñ kā gulistāñ tum ho

har tasavvur se numāyāñ ho kar

har tasavvur se gurezāñ tum ho

dekh kar jis ko ḳhudā yaad aa.e

ba-ḳhudā tum ho vo insāñ tum ho

kho ga.e ek tajallī meñ kalīm

barq-e-sad-tūr-badāmāñ tum ho

qismat-e-jalva-e-hairāñ maiñ huuñ

qismat-e-dīda-e-hairāñ tum ho

dil tumhārā hai ki tum ho dil ke

mezbāñ tum ho ki mehmāñ tum ho

zahiri aankh se pinhan tum ho

dida-e-dil se numayan tum ho

ghuncha-o-lala-o-raihan tum ho

ye gulistan ka gulistan tum ho

har tasawwur se numayan ho kar

har tasawwur se gurezan tum ho

dekh kar jis ko KHuda yaad aae

ba-KHuda tum ho wo insan tum ho

kho gae ek tajalli mein kalim

barq-e-sad-tur-badaman tum ho

qismat-e-jalwa-e-hairan main hun

qismat-e-dida-e-hairan tum ho

dil tumhaara hai ki tum ho dil ke

mezban tum ho ki mehman tum ho