ظالم کو بھی پھر نشۂ بیداد گری ہے

ظالم کو بھی پھر نشۂ بیداد گری ہے

پھر ہم ہیں وہی پھر وہی آشفتہ سری ہے

وہ آئے ہے جب یاد تو لگتا ہے کچھ ایسا

جیسے کوئی چٹان سی سینے پہ دھری ہے

زاہد نے اسے دیکھا جو ٹک دیکھ کے بولا

آدم کی ہی بیٹی ہے کہ یہ حور پری ہے

محفل میں مجھے آپ کہا اس گل تر نے

اب آپ ہے کس زمرے کا یہ درد سری ہے

کیا حال ہوا خواہش یک دید میں میرا

آنکھوں میں کوئی اشک بھی باقی نہ تری ہے

یہ سطر لکھی آخری اور بند کیں آنکھیں

کیا خوب تری چارہ گری چارہ گری ہے

اس طرح سے ملتا ہے اگر عہدہ و منصب

کیا وقعت املاک ہے کیا تاجوری ہے