zalim se mohabbat ka sila mang rahe hain

zālim se mohabbat kā sila maañg rahe haiñ

nādān haiñ patthar se vafā maañg rahe haiñ

phir aur koī sāzish-e-rangīñ to nahīñ hai

vo aaj mire haq meñ du'ā maañg rahe haiñ

altāf-o-karam aap ke auroñ ko mubārak

ham aap se jiine kī adā maañg rahe haiñ

ham murtakib-e-jurm-e-vafā ho to chuke haiñ

do jurm-e-mohabbat kī sazā maañg rahe haiñ

jab mujh se koī un kā ta'alluq nahīñ 'dānish'

phir kyoñ mire jiine kī du'ā maañg rahe haiñ

zalim se mohabbat ka sila mang rahe hain

nadan hain patthar se wafa mang rahe hain

phir aur koi sazish-e-rangin to nahin hai

wo aaj mere haq mein du'a mang rahe hain

altaf-o-karam aap ke auron ko mubarak

hum aap se jine ki ada mang rahe hain

hum murtakib-e-jurm-e-wafa ho to chuke hain

do jurm-e-mohabbat ki saza mang rahe hain

jab mujh se koi un ka ta'alluq nahin 'danish'

phir kyon mere jine ki du'a mang rahe hain