zanu par uske raat raha sar tamam raat

zaanū par us ke raat rahā sar tamām raat

pesh-e-nazar rahā ruḳh-e-dilbar tamām raat

kis se kahūñ kaTī mirī kyūñkar tamām raat

taḌpā kiyā mirā dil-e-muztar tamām raat

baiThā rahā huuñ shaam se aksar tamām raat

gintā rahā huuñ hijr meñ aḳhtar tamām raat

aisā bañdhā tasavvur-e-abrū ki ḳhvāb meñ

kaaTā kiyā galā dam-e-ḳhanjar tamām raat

kyā jāntā hai vahshat-e-shab-hā-e-tār ko

kaaTī ho jaise sham.a jalā kar tamām raat

ho garche be-navā vahī sultān-e-vaqt hai

jis ko hai vasl-e-yār mayassar tamām raat

ai 'ājiz' un kī kyoñ na duā mustajāb ho

karte haiñ jo ibādat-e-dāvar tamām raat

zanu par us ke raat raha sar tamam raat

pesh-e-nazar raha ruKH-e-dilbar tamam raat

kis se kahun kaTi meri kyunkar tamam raat

taDpa kiya mera dil-e-muztar tamam raat

baiTha raha hun sham se aksar tamam raat

ginta raha hun hijr mein aKHtar tamam raat

aisa bandha tasawwur-e-abru ki KHwab mein

kaTa kiya gala dam-e-KHanjar tamam raat

kya jaanta hai wahshat-e-shab-ha-e-tar ko

kaTi ho jaise shama jala kar tamam raat

ho garche be-nawa wahi sultan-e-waqt hai

jis ko hai wasl-e-yar mayassar tamam raat

ai 'ajiz' un ki kyon na dua mustajab ho

karte hain jo ibaadat-e-dawar tamam raat