zat ka apni eatibar gaya

zaat kā apnī e.atibār gayā

ek baazī maiñ aur haar gayā

nāḳhudā kashtī-e-mohabbat kā

kis bhañvar meñ mujhe utaar gayā

kaise chhoḌā hai us ne tīr-e-nazar

dil meñ aTkā na dil ke paar gayā

ab ke bhī pichhle saal kī mānind

yūñhī ye mausam-e-bahār gayā

jām-e-labrez mujh tak aate hī

zehn kā mere ḳhalfishār gayā

maiñ ne ghabrā ke sī liyā dāman

daao maiñ jiit ke bhī haar gayā

āshtī ho ga.ī garebāñ se

haath se ye bhī kārobār gayā

ḳhuld kī avvalīñ baġhāvat par

dhyān merā bhī baar baar gayā

aaj phir aa ga.e haiñ vo 'rāhat'

aaj phir lutf-e-intizār gayā

zat ka apni eatibar gaya

ek bazi main aur haar gaya

naKHuda kashti-e-mohabbat ka

kis bhanwar mein mujhe utar gaya

kaise chhoDa hai us ne tir-e-nazar

dil mein aTka na dil ke par gaya

ab ke bhi pichhle sal ki manind

yunhi ye mausam-e-bahaar gaya

jam-e-labrez mujh tak aate hi

zehn ka mere KHalfishaar gaya

main ne ghabra ke si liya daman

dao main jit ke bhi haar gaya

aashti ho gai gareban se

hath se ye bhi karobar gaya

KHuld ki awwalin baghawat par

dhyan mera bhi bar bar gaya

aaj phir aa gae hain wo 'rahat'

aaj phir lutf-e-intizar gaya