zat uski koi ajab shai hai

zaat us kī koī ajab shai hai

jis se sab vāqa.ī ajab shai hai

vāqa.ī āshiqī ajab shai hai

āshiqī vāqa.ī ajab shai hai

jis ke dil ko lagī vahī jaane

jān-e-man dil-lagī ajab shai hai

is meñ hargiz nahīñ hai jā-e-suḳhan

al-ġharaz ḳhāmushī ajab shai hai

be-ḳhudī gar ho ḳhud to aa ke mile

ai ḳhudā be-ḳhudī ajab shai hai

us pe martā huuñ vaqt-e-bos-o-kanār

terā kahnā na jī ajab shai hai

ek se tiis din nibāh ki dost

ek se dostī ajab shai hai

muñh pe kah denā aib aib hai ye

aib-poshī ajī ajab shai hai

kyā dhuāñ-dār shola-rū hai banā

uudī poshāk bhī ajab shai hai

aarsī us se ahl-e-dīd ko hai

mat kaho aarsī ajab shai hai

sarv ko us ke qad se kyā nisbat

munsifo rāstī ajab shai hai

qibla-o-ka.aba is ko samjhe hai

haram-e-shaiḳh-jī ajab shai hai

ek bosa na do na tiin na chaar

yaar jī munsifī ajab shai hai

hoñT hote haiñ vaqt-e-ḳhanda judā

chup bhalī ḳhāmushī ajab shai hai

zat us ki koi ajab shai hai

jis se sab waqai ajab shai hai

waqai aashiqi ajab shai hai

aashiqi waqai ajab shai hai

jis ke dil ko lagi wahi jaane

jaan-e-man dil-lagi ajab shai hai

is mein hargiz nahin hai ja-e-suKHan

al-gharaz KHamushi ajab shai hai

be-KHudi gar ho KHud to aa ke mile

ai KHuda be-KHudi ajab shai hai

us pe marta hun waqt-e-bos-o-kanar

tera kahna na ji ajab shai hai

ek se tis din nibah ki dost

ek se dosti ajab shai hai

munh pe kah dena aib aib hai ye

aib-poshi aji ajab shai hai

kya dhuan-dar shola-ru hai bana

udi poshak bhi ajab shai hai

aarsi us se ahl-e-did ko hai

mat kaho aarsi ajab shai hai

sarw ko us ke qad se kya nisbat

munsifo rasti ajab shai hai

qibla-o-kaba is ko samjhe hai

haram-e-shaiKH-ji ajab shai hai

ek bosa na do na tin na chaar

yar ji munsifi ajab shai hai

honT hote hain waqt-e-KHanda juda

chup bhali KHamushi ajab shai hai