zaban majbur hai lab par fughan hai

zabāñ majbūr hai lab par fuġhāñ hai

sarāpā dard merī dāstāñ hai

nigāh-e-yār bhī hai bad-gumāñ sī

ġhurūr-e-husn bhī dāman-kashāñ hai

firāq-e-dost kā kyā zikr āḳhir

visāl-e-yār bhī dil par girāñ hai

jahāñ par baat karnā hai qayāmat

vahāñ fariyād kī jur.at kahāñ hai

mirā ġham hai mirā sarmāya-e-zīst

mirā har ashk merā tarjumāñ hai

ḳhumār-ālūda nazroñ meñ hai jo kaif

vo saaqī tere sāġhar meñ kahāñ hai

agar mai husn hai to 'ishq 'fārūq'

ḳhumār-e-bāda-e-sho'la-fishāñ hai

zaban majbur hai lab par fughan hai

sarapa dard meri dastan hai

nigah-e-yar bhi hai bad-guman si

ghurur-e-husn bhi daman-kashan hai

firaq-e-dost ka kya zikr aaKHir

visal-e-yar bhi dil par giran hai

jahan par baat karna hai qayamat

wahan fariyaad ki jurat kahan hai

mera gham hai mera sarmaya-e-zist

mera har ashk mera tarjuman hai

KHumar-aluda nazron mein hai jo kaif

wo saqi tere saghar mein kahan hai

agar mai husn hai to 'ishq 'faruq'

KHumar-e-baada-e-sho'la-fishan hai