zaban na hoti qalam na hote

zabāñ na hotī qalam na hote

zamīñ na hotī qadam na hote

koī jo thoḌā lihāz kartā

kisī pe itne sitam na hote

hamārā chehra bhī khilkhilātā

jo dil meñ ranj-o-alam na hote

kisī bhī raste pe chal nikalte

magar yuuñ sū-e-adam na hote

zarā jo ḳhud par dhiyān dete

hamāre ushshāq bhī kam na hote

kahā kisī kā jo maan lete

hayā se gardan meñ ḳham na hote

kahīñ bhī hote binā ham un ke

yahāñ ḳhudā kī qasam na hote

hazār bātoñ kā hai ḳhulāsa

jo vo na hote to ham na hote

zaban na hoti qalam na hote

zamin na hoti qadam na hote

koi jo thoDa lihaz karta

kisi pe itne sitam na hote

hamara chehra bhi khilkhilata

jo dil mein ranj-o-alam na hote

kisi bhi raste pe chal nikalte

magar yun su-e-adam na hote

zara jo KHud par dhiyan dete

hamare ushshaq bhi kam na hote

kaha kisi ka jo man lete

haya se gardan mein KHam na hote

kahin bhi hote bina hum un ke

yahan KHuda ki qasam na hote

hazar baaton ka hai KHulasa

jo wo na hote to hum na hote