zaban thak gai ba-KHuda kahte kahte

zabāñ thak ga.ī bā-ḳhudā kahte kahte

tujhe be-vafā bā-vafā kahte kahte

karam goyā mujh ko hai dīvāngī bhī

zamāna huā ik sanā kahte kahte

alam haiñ ki shaġhl-e-farāġhat kī sauġhāt

sar-e-anjuman chup huā kahte kahte

zabāñ par yakāyak lagā qufl chup kā

kisī dūsre ko ḳhudā kahte kahte

dalīl-e-mohabbat use kyā maiñ detā

vo kahne lagā jab sunā kahte kahte

rakhūñ fāsla us gul-e-nau se 'ādil'

kahā tū ne mujh se ye kyā kahte kahte

zaban thak gai ba-KHuda kahte kahte

tujhe be-wafa ba-wafa kahte kahte

karam goya mujh ko hai diwangi bhi

zamana hua ek sana kahte kahte

alam hain ki shaghl-e-faraghat ki saughat

sar-e-anjuman chup hua kahte kahte

zaban par yakayak laga qufl chup ka

kisi dusre ko KHuda kahte kahte

dalil-e-mohabbat use kya main deta

wo kahne laga jab suna kahte kahte

rakhun fasla us gul-e-nau se 'adil'

kaha tu ne mujh se ye kya kahte kahte