zahe-koshish-e-kaamyab-e-mohabbat

zahe-koshish-e-kāmyāb-e-mohabbat

hamesha rahe ham ḳharāb-e-mohabbat

sukūn-e-mohabbat jo mumkin nahīñ hai

baḌhā dījiye iztirāb-e-mohabbat

jhukī jā rahī haiñ vo ma.asūm nazreñ

diyā jā rahā hai javāb-e-mohabbat

bilā-vāsta ham se āñkheñ milāo

rahe darmiyāñ kyuuñ hijāb-e-mohabbat

tirī bazm jannat thī lekin karūñ kyā

uThā le gayā iztirāb-e-mohabbat

na tarsā na tarsā mohabbat ke saaqī

pilā de pilā de sharāb-e-mohabbat

hue haiñ vo jis din se nārāz 'sherī'

taraqqī pe hai iztirāb-e-mohabbat

zahe-koshish-e-kaamyab-e-mohabbat

hamesha rahe hum KHarab-e-mohabbat

sukun-e-mohabbat jo mumkin nahin hai

baDha dijiye iztirab-e-mohabbat

jhuki ja rahi hain wo masum nazren

diya ja raha hai jawab-e-mohabbat

bila-wasta hum se aankhen milao

rahe darmiyan kyun hijab-e-mohabbat

teri bazm jannat thi lekin karun kya

uTha le gaya iztirab-e-mohabbat

na tarsa na tarsa mohabbat ke saqi

pila de pila de sharab-e-mohabbat

hue hain wo jis din se naraaz 'sheri'

taraqqi pe hai iztirab-e-mohabbat