زہے کوشش کامیاب محبت
زہے کوشش کامیاب محبت
ہمیشہ رہے ہم خراب محبت
سکون محبت جو ممکن نہیں ہے
بڑھا دیجئے اضطراب محبت
جھکی جا رہی ہیں وہ معصوم نظریں
دیا جا رہا ہے جواب محبت
بلا واسطہ ہم سے آنکھیں ملاؤ
رہے درمیاں کیوں حجاب محبت
تری بزم جنت تھی لیکن کروں کیا
اٹھا لے گیا اضطراب محبت
نہ ترسا نہ ترسا محبت کے ساقی
پلا دے پلا دے شراب محبت
ہوئے ہیں وہ جس دن سے ناراض شعریؔ
ترقی پہ ہے اضطراب محبت
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
