zahr-e-saat hi piyen jism tah-e-KHak to ho

zahr-e-sā.at hī piyeñ jism tah-e-ḳhāk to ho

sard āñkhoñ meñ koī ḳhvāhish-e-nāpāk to ho

ham bhī raushan hoñ utāreñ ye gunāhoñ kā libās

tū baraste hue paanī kī tarah paak to ho

munjamid ḳhuun ragoñ kā hai ise pī jaa.eñ

raat kā zaḳhm-e-siyah-rañg jigar-chāk to ho

jism-e-ḳhākī se bhī tanvīr kā rishta hai zarūr

surḳh sho'loñ se lipaT jā ḳhas-o-ḳhāshāk to ho

aaj phir zehn kī shāḳhoñ pe haiñ sho'loñ ke gulāb

chashm-e-sañg un ko bhī dekhe zarā namnāk to ho

zahr-e-saat hi piyen jism tah-e-KHak to ho

sard aankhon mein koi KHwahish-e-napak to ho

hum bhi raushan hon utaren ye gunahon ka libas

tu baraste hue pani ki tarah pak to ho

munjamid KHun ragon ka hai ise pi jaen

raat ka zaKHm-e-siyah-rang jigar-chaak to ho

jism-e-KHaki se bhi tanwir ka rishta hai zarur

surKH sho'lon se lipaT ja KHas-o-KHashak to ho

aaj phir zehn ki shaKHon pe hain sho'lon ke gulab

chashm-e-sang un ko bhi dekhe zara namnak to ho