zahrab-e-tishnagi ka maza humse puchhiye

zahrāb-e-tishnagī kā maza ham se pūchhiye

guzrī huī sadī kā maza ham se pūchhiye

ik pal ḳhayāl-e-yār meñ ham munhamik rahe

ik pal meñ ik sadī kā maza ham se pūchhiye

shohrat kī be-ḳhudī kā maza aap jāniye

izzat kī zindagī kā maza ham se pūchhiye

kaif-o-nashāt jis se milā ham ko bārhā

is karb-e-āgahī kā maza ham se pūchhiye

fikr-e-jahāñ hai aur na luTne kā ḳhauf hai

qallāsh zindagī kā maza ham se pūchhiye

fikr-e-suḳhan meñ ham ne zamāne kī sair kī

'ārif' suḳhanvarī kā maza ham se pūchhiye

zahrab-e-tishnagi ka maza hum se puchhiye

guzri hui sadi ka maza hum se puchhiye

ek pal KHayal-e-yar mein hum munhamik rahe

ek pal mein ek sadi ka maza hum se puchhiye

shohrat ki be-KHudi ka maza aap jaaniye

izzat ki zindagi ka maza hum se puchhiye

kaif-o-nashat jis se mila hum ko barha

is karb-e-agahi ka maza hum se puchhiye

fikr-e-jahan hai aur na luTne ka KHauf hai

qallash zindagi ka maza hum se puchhiye

fikr-e-suKHan mein hum ne zamane ki sair ki

'arif' suKHanwari ka maza hum se puchhiye