zaKHm ab dil ke chamak dete hain hiron ki tarah

zaḳhm ab dil ke chamak dete haiñ hīroñ kī tarah

ham tire shahr meñ rahte haiñ amīroñ kī tarah

kar diyā qaid hameñ vaqt kī dīvāroñ ne

varna ham log bhī the chhūTte tīroñ kī tarah

shaam ko Dūbte sūraj kī chamaktī surḳhī

duur tak phail ga.ī ḳhūnī jazīroñ kī tarah

jab bhī aatī hai koī fitna jagā detī hai

terī muskān tire lab pe sharīroñ kī tarah

ye milā mujh ko sila merī vafā kā sīrat

likh diyā naam mirā us ne lakīroñ kī tarah

zaKHm ab dil ke chamak dete hain hiron ki tarah

hum tere shahr mein rahte hain amiron ki tarah

kar diya qaid hamein waqt ki diwaron ne

warna hum log bhi the chhuTte tiron ki tarah

sham ko Dubte suraj ki chamakti surKHi

dur tak phail gai KHuni jaziron ki tarah

jab bhi aati hai koi fitna jaga deti hai

teri muskan tere lab pe shariron ki tarah

ye mila mujh ko sila meri wafa ka sirat

likh diya nam mera us ne lakiron ki tarah