zaKHm deti rahi hai zat nae

zaḳhm detī rahī hai zaat na.e

gul khilātī rahī hayāt na.e

din rivāyāt kā asiir rahā

ḳhvāb dekhe har ek raat na.e

rahnumā kis ko chun liyā tum ne

pesh ā.eñge vāqi.āt na.e

dostī rasm yā rivāj nahīñ

aa.e din kyoñ takallufāt na.e

aap kho baiThe e'tibār apnā

kyā karūñ maiñ ye kāġhzāt na.e

aaj ham faisloñ ko kyoñ Tāleñ

kal nayā din muqaddimāt na.e

tujh se milne ke baad ḳhud se milā

mujh se mere ta.alluqāt na.e

tajribe aap kījiye sāhab

ham kareñge mushāhidāt na.e

shā.irī aap kī 'na.īm' hai kyā

tarz-e-kohna magar nikāt na.e

zaKHm deti rahi hai zat nae

gul khilati rahi hayat nae

din riwayat ka asir raha

KHwab dekhe har ek raat nae

rahnuma kis ko chun liya tum ne

pesh aaenge waqiat nae

dosti rasm ya riwaj nahin

aae din kyon takallufat nae

aap kho baiThe e'tibar apna

kya karun main ye kaghzat nae

aaj hum faislon ko kyon Talen

kal naya din muqaddimat nae

tujh se milne ke baad KHud se mila

mujh se mere talluqat nae

tajribe aap kijiye sahab

hum karenge mushahidat nae

shairi aap ki 'naim' hai kya

tarz-e-kohna magar nikat nae