zaKHm-e-dil achchha hua pahlu badal jaane ke baad

zaḳhm-e-dil achchhā huā pahlū badal jaane ke ba.ad

dil kī dhaḌkan miT ga.ī aañsū nikal jaane ke ba.ad

va.ada-e-rañgīñ se hogā haa.e kyā ḳhaak ehtimām

aarzū ke phuul chuTkī se masal jaane ke ba.ad

kyā kareñ ḳhūn-e-tarab kī surḳhī-e-afsāna ko

rañg-o-bū kī rā.egāñ ghaḌiyoñ ke Tal jaane ke ba.ad

mai uñDelī bhī jo mīnāoñ meñ saaqī ne to kab

shīsha-hā-e-rañg se mausam nikal jaane ke ba.ad

DhūñDte phirte haiñ ḳhud dair-o-haram ke pāsbāñ

hosh-mandān-e-ḳhirad kā dam nikal jaane ke ba.ad

kaun afsurda javānī ko jilā degā 'ḳhizar'

ahd-e-nāv-nosh kī sham.eñ pighal jaane ke ba.ad

zaKHm-e-dil achchha hua pahlu badal jaane ke baad

dil ki dhaDkan miT gai aansu nikal jaane ke baad

wada-e-rangin se hoga hae kya KHak ehtimam

aarzu ke phul chuTki se masal jaane ke baad

kya karen KHun-e-tarab ki surKHi-e-afsana ko

rang-o-bu ki raegan ghaDiyon ke Tal jaane ke baad

mai unDeli bhi jo minaon mein saqi ne to kab

shisha-ha-e-rang se mausam nikal jaane ke baad

DhunDte phirte hain KHud dair-o-haram ke pasban

hosh-mandan-e-KHirad ka dam nikal jaane ke baad

kaun afsurda jawani ko jila dega 'KHizar'

ahd-e-naw-nosh ki shamen pighal jaane ke baad