zaKHm-e-dil tar-tar mat karna

zaḳhm-e-dil tār-tār mat karnā

zikr maazī kā yaar mat karnā

ham ne phūloñ se zaḳhm khaa.e haiñ

ham se zikr-e-bahār mat karnā

jab talak mutma.in na ho jaao

rāz-e-dil āshkār mat karnā

ye tabassum sazā na ban jaa.e

ye ḳhatā baar baar mat karnā

aañkh ban kar ke rāz-dāroñ meñ

har kisī kā shumār mat karnā

log dil meñ nifāq rakhte haiñ

ujlat-e-e.atibār mat karnā

tujh ko buzdil shumār kar leñge

chhup ke pīchhe se vaar mat karnā

zindagī kā bhī ek maqsad hai

har jagah jaañ nisār mat karnā

zaKHm-e-dil tar-tar mat karna

zikr mazi ka yar mat karna

hum ne phulon se zaKHm khae hain

hum se zikr-e-bahaar mat karna

jab talak mutmain na ho jao

raaz-e-dil aashkar mat karna

ye tabassum saza na ban jae

ye KHata bar bar mat karna

aankh ban kar ke raaz-daron mein

har kisi ka shumar mat karna

log dil mein nifaq rakhte hain

ujlat-e-eatibar mat karna

tujh ko buzdil shumar kar lenge

chhup ke pichhe se war mat karna

zindagi ka bhi ek maqsad hai

har jagah jaan nisar mat karna