زخم تنہائی بیکلی سی ہے

زخم تنہائی بیکلی سی ہے

میری آنکھوں میں اک نمی سی ہے

تو نہیں ہے تو ایسا لگتا ہے

زندگی میں کوئی کمی سی ہے

دل پے چھائی ہے تیرگی لیکن

تیری یادوں کی روشنی سی ہے

ایسا لگتا ہے گفتگو کر کے

تیری باتوں میں شاعری سی ہے

شام غم تیرا شکریا ہر پل

جانے کیوں تجھ سے عاشقی سی ہے

میرا کردار ہی کچھ ایسا ہے

دشمنوں سے بھی دوستی سی ہے

مفلسی یہ تری حقیقت ہے

ساری دنیا ہی اجنبی سی ہے

یہ زمانہ فریب ہے رونقؔ

موت میں ہی تو زندگی سی ہے