zaKHm gahre the bhala kaise mudawa karte

zaḳhm gahre the bhalā kaise mudāvā karte

kuchh na hotā jo agar ḳhud kā tamāshā karte

jhuuT hī hotā magar ḳhvāb to hotā koī

vo hamārā hai sar-e-rāh dikhāvā karte

baat be-bāt vo rakkhe to bharam chāhat kā

ham bhī ḳhāmosh koī tark-e-tamannā karte

merī in āñkhoñ meñ jugnū se chamakte haiñ ka.ī

ḳhvāb aate haiñ mirā niiñd meñ pīchhā karte

ham se tā-umr lipaT jaa.e to ārām mile

ham bhī har vaqt use pyaar se dekhā karte

sher kahte haiñ to jiine kā shu.ūr aatā hai

gar na kahte to bhalā kaise guzārā karte

zaKHm gahre the bhala kaise mudawa karte

kuchh na hota jo agar KHud ka tamasha karte

jhuT hi hota magar KHwab to hota koi

wo hamara hai sar-e-rah dikhawa karte

baat be-baat wo rakkhe to bharam chahat ka

hum bhi KHamosh koi tark-e-tamanna karte

meri in aankhon mein jugnu se chamakte hain kai

KHwab aate hain mera nind mein pichha karte

hum se ta-umr lipaT jae to aaram mile

hum bhi har waqt use pyar se dekha karte

sher kahte hain to jine ka shuur aata hai

gar na kahte to bhala kaise guzara karte