zaKHm kha ke KHandan hain pairahan-darida hum

zaḳhm khā ke ḳhandāñ haiñ pairahan-darīda ham

zindagī kā nauha ham vaqt kā qasīda ham

jaane tab.a ke hāthoñ kaun ghaaT utreñge

shahr se gurezāñ ham dasht se ramīda ham

zindagī kī āñkhoñ meñ rāt-din khaTakte haiñ

ḳhas jo haiñ to lā-sānī ḳhaar haiñ to chīda ham

barg barg taaza hai zaḳhm zaḳhm ristā hai

mausam-e-bahārāñ meñ shāḳh-e-nau-burīda ham

bazm-e-rañg-o-naġhma meñ kaun multafit hogā

āh-e-nā-kashīda ham harf-e-nā-shanīda ham

zaKHm kha ke KHandan hain pairahan-darida hum

zindagi ka nauha hum waqt ka qasida hum

jaane taba ke hathon kaun ghaT utrenge

shahr se gurezan hum dasht se ramida hum

zindagi ki aankhon mein raat-din khaTakte hain

KHas jo hain to la-sani KHar hain to chida hum

barg barg taza hai zaKHm zaKHm rista hai

mausam-e-bahaaran mein shaKH-e-nau-burida hum

bazm-e-rang-o-naghma mein kaun multafit hoga

aah-e-na-kashida hum harf-e-na-shanida hum