zaKHm ko pur-bahaar dekha hai
zaḳhm ko pur-bahār dekhā hai
jab se vo rahguzār dekhā hai
ek ummīd ke sabab maiñ ne
aap ko baar baar dekhā hai
munharif jo huā tire dar se
bas yuuñ hī ḳhaar ḳhaar dekhā hai
chāñd meñ Dūbtā huā sāgar
ek manzar ke paar dekhā hai
maujzan aañkh tak na dekh sakī
jo dil-e-dāġhdār dekhā hai
zaKHm ko pur-bahaar dekha hai
jab se wo rahguzar dekha hai
ek ummid ke sabab main ne
aap ko bar bar dekha hai
munharif jo hua tere dar se
bas yun hi KHar KHar dekha hai
chand mein Dubta hua sagar
ek manzar ke par dekha hai
maujzan aankh tak na dekh saki
jo dil-e-daghdar dekha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
