zaKHm sare abhi jawan honge

zaḳhm saare abhī javāñ hoñge

bistar-e-hijr par 'ayāñ hoñge

hākim-e-vaqt kab talak āḳhir

apne gaañv meñ ḳhāk-dāñ hoñge

maiñ ne tum ko kahāñ kahāñ chhuā hai

jaan maujūd vo nishāñ hoñge

tujh ko taklīf dene vaale log

kal ko tere hī pāsbāñ hoñge

in dukhoñ ko sañbhāl kar rakhnā

in se hāsil ka.ī jahāñ hoñge

har taraf hī dhuāñ-dhuāñ hogā

jab jahāñ se sabhī dhuāñ hoñge

naaz hai apne aap par jin ko

mere jaise vo ḳhush-gumāñ hoñge

har ghaḌī har-sū hazrat-e-'bismil'

tere aur ġham ke darmiyāñ hoñge

zaKHm sare abhi jawan honge

bistar-e-hijr par 'ayan honge

hakim-e-waqt kab talak aaKHir

apne ganw mein KHak-dan honge

main ne tum ko kahan kahan chhua hai

jaan maujud wo nishan honge

tujh ko taklif dene wale log

kal ko tere hi pasban honge

in dukhon ko sanbhaal kar rakhna

in se hasil kai jahan honge

har taraf hi dhuan-dhuan hoga

jab jahan se sabhi dhuan honge

naz hai apne aap par jin ko

mere jaise wo KHush-guman honge

har ghaDi har-su hazrat-e-'bismil'

tere aur gham ke darmiyan honge