زخم سارے ابھی جواں ہوں گے

زخم سارے ابھی جواں ہوں گے

بستر ہجر پر عیاں ہوں گے

حاکم وقت کب تلک آخر

اپنے گاؤں میں خاک داں ہوں گے

میں نے تم کو کہاں کہاں چھوا ہے

جان موجود وہ نشاں ہوں گے

تجھ کو تکلیف دینے والے لوگ

کل کو تیرے ہی پاسباں ہوں گے

ان دکھوں کو سنبھال کر رکھنا

ان سے حاصل کئی جہاں ہوں گے

ہر طرف ہی دھواں دھواں ہوگا

جب جہاں سے سبھی دھواں ہوں گے

ناز ہے اپنے آپ پر جن کو

میرے جیسے وہ خوش گماں ہوں گے

ہر گھڑی ہر سو حضرت بسملؔ

تیرے اور غم کے درمیاں ہوں گے