zaKHm ulfat ke kisi ko na dikhae maine

zaḳhm ulfat ke kisī ko na dikhā.e maiñ ne

jism ke zāhirī saa.e bhī chhupā.e maiñ ne

maiñ ne be-rabt zamīnoñ meñ bhī ash.ār kahe

aur sahrāoñ meñ gulshan bhī banā.e maiñ ne

vasl kī raat bhī chup-chāp guzārī us ne

us ko ulfat ke bhī ādāb sikhā.e maiñ ne

merī bātoñ se kisī taur vo qaa.il na huā

laakh jiine ke use ḳhvāb dikhā.e maiñ ne

tum se bad-shakl sā ik shaḳhs bhulāyā na gayā

jaan se baḌh ke the jo log bhulā.e maiñ ne

us ne be-laus muravvat meñ gañvāyā mujh ko

kin zamīnoñ pe ye ashjār ugaa.e maiñ ne

zaKHm ulfat ke kisi ko na dikhae main ne

jism ke zahiri sae bhi chhupae main ne

main ne be-rabt zaminon mein bhi ashaar kahe

aur sahraon mein gulshan bhi banae main ne

wasl ki raat bhi chup-chap guzari us ne

us ko ulfat ke bhi aadab sikhae main ne

meri baaton se kisi taur wo qail na hua

lakh jine ke use KHwab dikhae main ne

tum se bad-shakl sa ek shaKHs bhulaya na gaya

jaan se baDh ke the jo log bhulae main ne

us ne be-laus murawwat mein ganwaya mujh ko

kin zaminon pe ye ashjar ugae main ne