zaKHmi din aur raat rahenge kitne din

zaḳhmī din aur raat raheñge kitne din

dahshat meñ lamhāt raheñge kitne din

har patjhaḌ ke baad hai mausam phūloñ kā

ḳhālī apne haath raheñge kitne din

kitnī sāñseñ kis ke paas haiñ kyā ma.alūm

ham tum donoñ saath raheñge kitne din

paḌhne vaale chehra bhī paḌh lete haiñ

poshīda hālāt raheñge kitne din

kitne din tak vo din apne saath rahe

ye din apne saath raheñge kitne din

zaKHmi din aur raat rahenge kitne din

dahshat mein lamhat rahenge kitne din

har patjhaD ke baad hai mausam phulon ka

KHali apne hath rahenge kitne din

kitni sansen kis ke pas hain kya malum

hum tum donon sath rahenge kitne din

paDhne wale chehra bhi paDh lete hain

poshida haalat rahenge kitne din

kitne din tak wo din apne sath rahe

ye din apne sath rahenge kitne din