zaKHmon ko marham kahta hun qatil ko masiha kahta hun

zaḳhmoñ ko marham kahtā huuñ qātil ko masīhā kahtā huuñ

jo dil par guzrā kartī hai maiñ pardā pardā kahtā huuñ

zulfoñ ko ghaTā.eñ kahtā huuñ ruḳhsār ko sho.ala kahtā huuñ

tum jitne achchhe lagte ho maiñ us se achchhā kahtā huuñ

ab riit yahī hai duniyā kī tum bhī na bano begāna kahīñ

ilzām nahīñ dhartā tum par ik jī kā dhḌaknā kahtā huuñ

arbāb-e-chaman jo kahte haiñ vo naam mujhe ma.alūm nahīñ

jis shāḳh pe koī phuul na ho maiñ us ko tamannā kahtā huuñ

'qaisar' vo navā lā-hāsil hai jo aa ke laboñ par lahrā.e

chhū le jo diloñ kī gahrā.ī maiñ us ko naġhma kahtā huuñ

zaKHmon ko marham kahta hun qatil ko masiha kahta hun

jo dil par guzra karti hai main parda parda kahta hun

zulfon ko ghaTaen kahta hun ruKHsar ko shoala kahta hun

tum jitne achchhe lagte ho main us se achchha kahta hun

ab rit yahi hai duniya ki tum bhi na bano begana kahin

ilzam nahin dharta tum par ek ji ka dhDakna kahta hun

arbab-e-chaman jo kahte hain wo nam mujhe malum nahin

jis shaKH pe koi phul na ho main us ko tamanna kahta hun

'qaisar' wo nawa la-hasil hai jo aa ke labon par lahrae

chhu le jo dilon ki gahrai main us ko naghma kahta hun