zaKHmon ko mere dil ke sajao to bane baat
zaḳhmoñ ko mere dil ke sajāo to bane baat
ye kaam hameñ kar ke dikhāo to bane baat
kyuuñ bahr-etamannā meñ nahīñ koī bhī halchal
tūfān koī us meñ jagāo to bane baat
jiine ke liye un kā tasavvur bhī bahut hai
be-ās hameñ jī ke batāo to bane baat
jalne ko to yuuñ ḳhuun bhī jal jā.egā lekin
paanī meñ zarā aag lagāo to bane baat
duniyā meñ talab hī kā tamāsha to lagā hai
mansūr hameñ ban ke dikhāo to bane baat
girtī huī dīvār kā saaya na batāo
phir se na.ī dīvār uThāo to bane baat
zaKHmon ko mere dil ke sajao to bane baat
ye kaam hamein kar ke dikhao to bane baat
kyun bahr-etamanna mein nahin koi bhi halchal
tufan koi us mein jagao to bane baat
jine ke liye un ka tasawwur bhi bahut hai
be-as hamein ji ke batao to bane baat
jalne ko to yun KHun bhi jal jaega lekin
pani mein zara aag lagao to bane baat
duniya mein talab hi ka tamasha to laga hai
mansur hamein ban ke dikhao to bane baat
girti hui diwar ka saya na batao
phir se nai diwar uThao to bane baat
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
