zalzale ka KHauf tari hai dar-o-diwar par

zalzale kā ḳhauf taarī hai dar-o-dīvār par

jabki maiñ baiThā huā huuñ kāñpte mīnār par

haañ isī raste meñ hai shahr-e-nigār-e-ārzū

aap chalte jā.iye mere lahū kī dhaar par

phir uḌā laa.ī havā mujh ko jalāne ke liye

zard patte chand sūkhī Tahniyāñ do-chār par

tā.ir-e-taḳh.īl kā saarā badan āzād hai

sirf ik patthar paḌā hai shīsha-e-minqār par

vaqt kā dariyā to in āñkhoñ se Takrātā rahā

apne hisse meñ na aayā lamha-e-dīdār par

saarā paanī chhāgaloñ se ābloñ meñ aa gayā

chilchilātī dhuup ke jalte hue isrār par

zalzale ka KHauf tari hai dar-o-diwar par

jabki main baiTha hua hun kanpte minar par

han isi raste mein hai shahr-e-nigar-e-arzu

aap chalte jaiye mere lahu ki dhaar par

phir uDa lai hawa mujh ko jalane ke liye

zard patte chand sukhi Tahniyan do-chaar par

tair-e-taKHil ka sara badan aazad hai

sirf ek patthar paDa hai shisha-e-minqar par

waqt ka dariya to in aankhon se Takraata raha

apne hisse mein na aaya lamha-e-didar par

sara pani chhagalon se aablon mein aa gaya

chilchilati dhup ke jalte hue israr par