زلزلے میں بندگی خوف خدا اپنی جگہ

زلزلے میں بندگی خوف خدا اپنی جگہ

ہر کوئی کم ظرف تھا چھوٹا بڑا اپنی جگہ

کون جانے لائے گا ابر کرم سو آفتیں

مور کا یہ رقص اور کالی گھٹا اپنی جگہ

میں بھی دیکھوں اس برس کچھ برہمی طوفان کی

مستقل سی دوستی کا واسطہ اپنی جگہ

آنکھ کیوں کھلتی نہیں ہے سن کے قدموں کی پکار

دھول اڑاتا ہے بہت وہ راستہ اپنی جگہ

اس کی آمد سے مرے دل کا نگر روشن ہوا

ہوگا اپنے شہر میں وہ رو سیہ اپنی جگہ

رونقؔ اپنی چپ کی بے کیفی کا ہے لذت شناس

انبساط شہرت بانگ درا اپنی جگہ