zamana apni hi surat pe marne lag jae

zamāna apnī hī sūrat pe marne lag jaa.e

to kyā ab ā.īna ḳhud se mukarne lag jaa.e

kisī sadā meñ vo āhañg-e-inqalāb to ho

ki ḳhār-zāroñ kī duniyā sañvarne lag jaa.e

hameñ ye dhyān to rakhnā thā bād-o-bārāñ se qabl

ki sail-e-āb na sar se guzarne lag jaa.e

sitāra ab koī dīvār-e-shab meñ dar to kare

ujālā dasht-e-siyah meñ utarne lag jaa.e

karoge kyā jo na kashtī-e-jāñ Duboī ga.ī

tum ehtimām karo ye ubharne lag jaa.e

chalo na ham koī sūrat mufīd sī socheñ

fizā.ī baaġh zarā aur nikharne lag jaa.e

zamana apni hi surat pe marne lag jae

to kya ab aaina KHud se mukarne lag jae

kisi sada mein wo aahang-e-inqalab to ho

ki KHar-zaron ki duniya sanwarne lag jae

hamein ye dhyan to rakhna tha baad-o-baran se qabl

ki sail-e-ab na sar se guzarne lag jae

sitara ab koi diwar-e-shab mein dar to kare

ujala dasht-e-siyah mein utarne lag jae

karoge kya jo na kashti-e-jaan Duboi gai

tum ehtimam karo ye ubharne lag jae

chalo na hum koi surat mufid si sochen

fizai bagh zara aur nikharne lag jae