زمانہ دیتا ہے جس کو وقار کی خوشبو
زمانہ دیتا ہے جس کو وقار کی خوشبو
طواف کرتی ہے اس کا بہار کی خوشبو
ہمارے حصے میں آئی جو خار کی خوشبو
بہت ہی خوش تھی چمن کی بہار کی خوشبو
خلوص دل کے گلوں کے نکھار کی خوشبو
وفا کے جسم سے آتی ہے پیار کی خوشبو
چبھا ہے اس کی ہتھیلی میں کوئی خار ضرور
چمن میں چیخ رہی ہے بہار کی خوشبو
زبان پیار کی خوشبو کی میں سمجھتا ہوں
مری زبان سمجھتی ہے پیار کی خوشبو
سنا رہی ہے پرانی شراب کا قصہ
دماغ چاٹ رہی ہے خمار کی خوشبو
تمہارے ذہن میں کھلتے نہیں خلوص کے پھول
کہاں سے دو گے مجھے اعتبار کی خوشبو
زبان کون محبت کی بولتا ہے یہاں
پسند کس کو ہے میرے دیار کی خوشبو
سفر کی ساری تھکاوٹ قمرؔ میں بھول گیا
پہنچ کے گھر جو ملی مجھ کو پیار کی خوشبو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
