zamana roz jise yunhi sangsar kare

zamāna roz jise yūñhī sangsār kare

vo apne zaḳhm kahāñ tak bhalā shumār kare

koī batā.e kahāñ tak koī chaman-zāda

chaman ko apnā lahū de ke lāla-zār kare

vo jis ne sadiyoñ bahāroñ ke rang dekhe hoñ

ḳhizāñ se apne ko vo kaise ham-kanār kare

jo ghar se niklā ho sach bolne kī niyyat se

qadam qadam pe vo ab intizār-e-dār kare

amīr-e-shahr ke hāthoñ meñ qismatoñ ke charāġh

ġharīb apnā koī kaise kārobār kare

ho zaḳhm zaḳhm agar jis kā lamha-e-imroz

vo kaise marham-e-fardā kā intizār kare

jo luT gayā hai fasādoñ meñ ab usī ke liye

ye hukm hai ki vo hālāt sāzgār kare

usī ko amn kā e.azāz bhī mayassar hai

ki shahr shahr meñ paidā jo intishār kare

shu.ūr baḳhsh do aisā chaman kī kaliyoñ ko

jo phuul phuul ko shā.ista-e-bahār kare

ġham-e-hayāt kā manzil-shanās kyā hogā

vo aadmī jo rah-e-zīst se farār kare

ḳhudī vo daulat-e-bedār hai jo duniyā meñ

gadā-garī meñ bhī insāñ ko shahryār kare

vahī hai nūr-e-basīrat kā aa.ina 'fāḳhir'

jo aañkh āḳhir-e-shab tujh ko ashk-bār kare

zamana roz jise yunhi sangsar kare

wo apne zaKHm kahan tak bhala shumar kare

koi batae kahan tak koi chaman-zada

chaman ko apna lahu de ke lala-zar kare

wo jis ne sadiyon bahaaron ke rang dekhe hon

KHizan se apne ko wo kaise ham-kanar kare

jo ghar se nikla ho sach bolne ki niyyat se

qadam qadam pe wo ab intizar-e-dar kare

amir-e-shahr ke hathon mein qismaton ke charagh

gharib apna koi kaise karobar kare

ho zaKHm zaKHm agar jis ka lamha-e-imroz

wo kaise marham-e-farda ka intizar kare

jo luT gaya hai fasadon mein ab usi ke liye

ye hukm hai ki wo haalat sazgar kare

usi ko amn ka eazaz bhi mayassar hai

ki shahr shahr mein paida jo intishaar kare

shuur baKHsh do aisa chaman ki kaliyon ko

jo phul phul ko shaista-e-bahaar kare

gham-e-hayat ka manzil-shanas kya hoga

wo aadmi jo rah-e-zist se farar kare

KHudi wo daulat-e-bedar hai jo duniya mein

gada-gari mein bhi insan ko shahryar kare

wahi hai nur-e-basirat ka aaina 'faKHir'

jo aankh aaKHir-e-shab tujh ko ashk-bar kare