zamana-saz nikle faKHr-e-rudad-e-jahan nikle

zamāna-sāz nikle faḳhr-e-rūdād-e-jahāñ nikle

nazar jis varq par Daalo hamārī dāstāñ nikle

hamesha sar-ba-kaf sīna-sipar himmat-shikan ban kar

ajal ke saa.e meñ bhī kāmyāb-e-imtihāñ nikle

vatan kī ḳhaak ko bhī mansab-e-'ain-ul-yaqīñ baḳhshā

zamīñ kī pastiyoñ meñ bhī farāz-e-āsmāñ nikle

hamārī ḳhush-nasībī hai ki manzil-āshnā haiñ ham

talāsh-e-manzil-e-haq meñ hazāroñ kārvāñ nikle

hameñ dhokā diyā hai 'naġhmī' dil kī sāda-lauhī ne

jinheñ samjhe the ham apnā vo un ke rāz-dāñ nikle

zamana-saz nikle faKHr-e-rudad-e-jahan nikle

nazar jis warq par Dalo hamari dastan nikle

hamesha sar-ba-kaf sina-sipar himmat-shikan ban kar

ajal ke sae mein bhi kaamyab-e-imtihan nikle

watan ki KHak ko bhi mansab-e-'ain-ul-yaqin baKHsha

zamin ki pastiyon mein bhi faraaz-e-asman nikle

hamari KHush-nasibi hai ki manzil-ashna hain hum

talash-e-manzil-e-haq mein hazaron karwan nikle

hamein dhoka diya hai 'naghmi' dil ki sada-lauhi ne

jinhen samjhe the hum apna wo un ke raaz-dan nikle