zamana sang hai fariyaad aaina meri

zamāna sañg hai fariyād ā.īna merī

ġhalat kahūñ to zabāñ chhīn le ḳhudā merī

tirā qusūr hai is meñ na hai ḳhatā merī

tirī zamīñ pe jo barsī nahīñ ghaTā merī

jahāñ se tark-e-ta.alluq kiyā thā tū ne kabhī

khaḌī huī hai usī moḌ par vafā merī

tum is libās-e-darīda pe tanz karte ho

isī libās meñ mahfūz hai hayā merī

is ik ḳhayāl se dil baiTh baiTh jaatā hai

Dubo na de kahīñ kashtī ko nāḳhudā merī

'anītā' us ko na aanā thā vo nahīñ aayā

bulā bulā ke use thak ga.ī sadā merī

zamana sang hai fariyaad aaina meri

ghalat kahun to zaban chhin le KHuda meri

tera qusur hai is mein na hai KHata meri

teri zamin pe jo barsi nahin ghaTa meri

jahan se tark-e-talluq kiya tha tu ne kabhi

khaDi hui hai usi moD par wafa meri

tum is libas-e-darida pe tanz karte ho

isi libas mein mahfuz hai haya meri

is ek KHayal se dil baiTh baiTh jata hai

Dubo na de kahin kashti ko naKHuda meri

'anita' us ko na aana tha wo nahin aaya

bula bula ke use thak gai sada meri