zamane bhar mein ruswai hui hai
zamāne bhar meñ rusvā.ī huī hai
bahut apnī pazīrā.ī huī hai
bhulāvā jis kā ham ko de rahe ho
vo jannat apnī Thukrā.ī huī hai
kahegā kaun is ko muskurāhaT
jo ruḳh par tū ne chipkā.ī huī hai
nikālo bhiiḌ se mujh ko nikālo
vabāl-e-jāñ ye tanhā.ī huī hai
ḳhudāyā pūchh to un rahbaroñ se
ye ḳhilqat kis kī bahkā.ī huī hai
sadāqat jiit jā.egī ye maanā
abhī to us kī paspā.ī huī hai
kisī ko dekhne kī uf ye ḳhvāhish
kisī kī aañkh pathrā.ī huī hai
zamane bhar mein ruswai hui hai
bahut apni pazirai hui hai
bhulawa jis ka hum ko de rahe ho
wo jannat apni Thukrai hui hai
kahega kaun is ko muskurahaT
jo ruKH par tu ne chipkai hui hai
nikalo bhiD se mujh ko nikalo
wabaal-e-jaan ye tanhai hui hai
KHudaya puchh to un rahbaron se
ye KHilqat kis ki bahkai hui hai
sadaqat jit jaegi ye mana
abhi to us ki paspai hui hai
kisi ko dekhne ki uf ye KHwahish
kisi ki aankh pathrai hui hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
