zamane ke darbar mein dast-basta hua hai
zamāne ke darbār meñ dast-basta huā hai
ye dil us pe maa.il magar rafta rafta huā hai
achānak hī hathiyār vaale nahīñ saḳht-jāñ ne
jigar vaqt ke saath ḳhasta shikasta huā hai
kahīñ andar andar sulagtī thī chingārī koī
magar hādsa āḳhir-e-kār shām-e-guzishta huā hai
ka.ī baar jallād ne khīñch dekhā hai us ko
magar munjamid daar kā sard taḳhta huā hai
ḳhabar-dār rahne lagā shahryār us se 'yāsir'
qalam mere hāthoñ meñ ḳhanjar kā dasta huā hai
zamane ke darbar mein dast-basta hua hai
ye dil us pe mail magar rafta rafta hua hai
achanak hi hathiyar wale nahin saKHt-jaan ne
jigar waqt ke sath KHasta shikasta hua hai
kahin andar andar sulagti thi chingari koi
magar hadsa aaKHir-e-kar sham-e-guzishta hua hai
kai bar jallad ne khinch dekha hai us ko
magar munjamid dar ka sard taKHta hua hai
KHabar-dar rahne laga shahryar us se 'yasir'
qalam mere hathon mein KHanjar ka dasta hua hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
