zamane ke liye bahre hue the hum donon

zamāne ke liye bahre hue the ham donoñ

to der tak kahīñ Thahre hue the ham donoñ

ham ek dūsre ke dil pe chaḌh ga.e to dikhā

ka.ī nigāhoñ se utre hue the ham donoñ

koī hamārī tahoñ tak pahuñch sakā hī nahīñ

samundaroñ se bhī gahre hue the ham donoñ

phir ek dūsre ko golī maar dī ham ne

har ek samt se ghere hue the ham donoñ

zamane ke liye bahre hue the hum donon

to der tak kahin Thahre hue the hum donon

hum ek dusre ke dil pe chaDh gae to dikha

kai nigahon se utre hue the hum donon

koi hamari tahon tak pahunch saka hi nahin

samundaron se bhi gahre hue the hum donon

phir ek dusre ko goli mar di hum ne

har ek samt se ghere hue the hum donon