zamane ki ye haalat inqilabi humne dekhi hai

zamāne kī ye hālat inqilābī ham ne dekhī hai

ġharībī ham ne dekhī hai navābī ham ne dekhī hai

uḌāte phir rahe haiñ ḳhaak vīrāñ regzāroñ kī

mah-o-anjum kī sadiyoñ ham rikāgī ham ne dekhī hai

chhalakte jaam jin hāthoñ meñ har dam raqs karte the

unhīñ hāthoñ meñ ab ḳhālī gulābī ham ne dekhī hai

ham apne gaañv meñ jis ka tasavvur kar nahīñ sakte

baḌe shahroñ meñ itnī be-hijābī ham ne dekhī hai

javāñ apne muqaddar par bharosa karke baiThe haiñ

mashaqqat meñ hamesha kāmyābī ham ne dekhī hai

baserā hai hamārā in dinoñ fōtpath par hai sach

ye kal kī baat hai izzat-ma.ābī ham ne dekhī hai

zamane ki ye haalat inqilabi hum ne dekhi hai

gharibi hum ne dekhi hai nawabi hum ne dekhi hai

uDate phir rahe hain KHak viran regzaron ki

mah-o-anjum ki sadiyon hum rikagi hum ne dekhi hai

chhalakte jam jin hathon mein har dam raqs karte the

unhin hathon mein ab KHali gulabi hum ne dekhi hai

hum apne ganw mein jis ka tasawwur kar nahin sakte

baDe shahron mein itni be-hijabi hum ne dekhi hai

jawan apne muqaddar par bharosa karke baiThe hain

mashaqqat mein hamesha kaamyabi hum ne dekhi hai

basera hai hamara in dinon footpath par hai sach

ye kal ki baat hai izzat-maabi hum ne dekhi hai