zamane ko lahu pine ki lat hai
zamāne ko lahū piine kī lat hai
magar phir bhī yahāñ sab ḳhairiyat hai
hamārī shaḳhsiyat kyā shaḳhsiyat hai
har ik tevar dikhāve kī parat hai
hamārā ghar bahut chhoTā hai lekin
hamārā ghar hamārī saltanat hai
ye qatra ḳhuun kā dariyā banegā
abhī insān zer-e-tarbiyat hai
ta.āruf ham se apnī zaat kā bhī
abhī ahl-e-karam kī ma.arifat hai
likhe haiñ giit barsātoñ ke jis par
hamāre ghar pe us kāġhaz kī chhat hai
mirī āñkhoñ meñ talḳhī us jahāñ kī
tire chehre pe ḳhauf-e-āqibat hai
zamane ko lahu pine ki lat hai
magar phir bhi yahan sab KHairiyat hai
hamari shaKHsiyat kya shaKHsiyat hai
har ek tewar dikhawe ki parat hai
hamara ghar bahut chhoTa hai lekin
hamara ghar hamari saltanat hai
ye qatra KHun ka dariya banega
abhi insan zer-e-tarbiyat hai
taaruf hum se apni zat ka bhi
abhi ahl-e-karam ki marifat hai
likhe hain git barsaton ke jis par
hamare ghar pe us kaghaz ki chhat hai
meri aankhon mein talKHi us jahan ki
tere chehre pe KHauf-e-aqibat hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
