zamane se bichhaDte ja rahe hain

zamāne se bichhaḌte jā rahe haiñ

ham aapas meñ jo laḌte jā rahe haiñ

mohabbat kī bahāreñ kho ga.ī haiñ

chaman dil ke ujaḌte jā rahe haiñ

takabbur se zamīñ par gir paḌeñge

bulandī par jo chaḌhte jā rahe haiñ

ta.assub kī ugī hai fasl jab se

masā.il aur baḌhte jā rahe haiñ

fasādoñ kī havā thamne lagī hai

kabūtar le pakaḌte jā rahe haiñ

ḳhizāñ kā daur shāyad aa gayā hai

ye barg-o-gul jo jhaḌte jā rahe haiñ

purāne peḌ 'rahbar' āñdhiy.oñ meñ

zamīnoñ se ukhaḌte jā rahe haiñ

zamane se bichhaDte ja rahe hain

hum aapas mein jo laDte ja rahe hain

mohabbat ki bahaaren kho gai hain

chaman dil ke ujaDte ja rahe hain

takabbur se zamin par gir paDenge

bulandi par jo chaDhte ja rahe hain

tassub ki ugi hai fasl jab se

masail aur baDhte ja rahe hain

fasadon ki hawa thamne lagi hai

kabutar le pakaDte ja rahe hain

KHizan ka daur shayad aa gaya hai

ye barg-o-gul jo jhaDte ja rahe hain

purane peD 'rahbar' aandhiyon mein

zaminon se ukhaDte ja rahe hain