zamane walon ke chehron pe kitne Dar nikle

zamāne vāloñ ke chehroñ pe kitne Dar nikle

falak kī chaah meñ jab bhī zamīñ ke par nikle

bhaTaknā chāhūñ bhī to duniyā muḳhtasar nikle

jidhar baḌhā.ūñ qadam terī rahguzar nikle

yashodhrā kī tarah niiñd meñ chhalī ga.ī to

maiñ chāhtī huuñ mire ḳhvāb se ye Dar nikle

kabhī ḳhayāl meñ socho vo raat kā chehra

ki jis ghaḌī vo duā kartī hai sahar nikle

ki jis pe chalte hue ḳhud se mil sakūñ maiñ 'sabā'

kahīñ se kaash koī aisī rahguzar nikle

paḌāv hotī huī manzileñ na thiiñ manzūr

so haar thak ke 'sabā' ham bhī apne ghar nikle

zamane walon ke chehron pe kitne Dar nikle

falak ki chah mein jab bhi zamin ke par nikle

bhaTakna chahun bhi to duniya muKHtasar nikle

jidhar baDhaun qadam teri rahguzar nikle

yashodhra ki tarah nind mein chhali gai to

main chahti hun mere KHwab se ye Dar nikle

kabhi KHayal mein socho wo raat ka chehra

ki jis ghaDi wo dua karti hai sahar nikle

ki jis pe chalte hue KHud se mil sakun main 'saba'

kahin se kash koi aisi rahguzar nikle

paDaw hoti hui manzilen na thin manzur

so haar thak ke 'saba' hum bhi apne ghar nikle