zamanon se dar-e-imkan par rakkhe hue hain

zamānoñ se dar-e-imkān par rakkhe hue haiñ

charāġhoñ kī tarah tūfān par rakkhe hue haiñ

fazāoñ meñ mahak jalne kī bū phailī huī hai

kisī ne phuul ātish-dān par rakkhe hue haiñ

zarā sā bhī gumāñ terī shabāhat kā thā jin par

vo sab chehre mirī pahchān par rakkhe hue haiñ

ḳhushī ko DhūñDhnā mumkin nahīñ is kaifiyat meñ

kuchh aise sānehe muskān par rakkhe hue haiñ

koī terī parastish kī nahīñ sūrat nikaltī

hazāroñ kufr ik īmān par rakkhe hue haiñ

shikam-serī se pahle lamha-bhar ko soch lenā

hamāre ḳhvāb dastar-ḳhvān par rakkhe hue haiñ

kisī ke roz-o-shab bikne kī qīmat chand luqme

to kyā vo bhī tire ehsān par rakkhe hue haiñ

zamanon se dar-e-imkan par rakkhe hue hain

charaghon ki tarah tufan par rakkhe hue hain

fazaon mein mahak jalne ki bu phaili hui hai

kisi ne phul aatish-dan par rakkhe hue hain

zara sa bhi guman teri shabahat ka tha jin par

wo sab chehre meri pahchan par rakkhe hue hain

KHushi ko DhunDhna mumkin nahin is kaifiyat mein

kuchh aise sanehe muskan par rakkhe hue hain

koi teri parastish ki nahin surat nikalti

hazaron kufr ek iman par rakkhe hue hain

shikam-seri se pahle lamha-bhar ko soch lena

hamare KHwab dastar-KHwan par rakkhe hue hain

kisi ke roz-o-shab bikne ki qimat chand luqme

to kya wo bhi tere ehsan par rakkhe hue hain