زمین دل پہ نئی کھلتی ہے ادائے سخن

زمین دل پہ نئی کھلتی ہے ادائے سخن

کہ ہم کچھ اور ہی جانیں ہیں ماورائے سخن

فسانۂ دل و جاں کس پہ بار ہوتا ہے

مگر کبھی تو سخن چاہیے برائے سخن

اسی پہ کھلتے ہیں آرائش خیال کے در

ہے جس کے عقد ارادت میں دلربائے سخن

ترے بغیر بھی یہ گفتگو مکمل ہے

ترے بغیر بھی خالی نہیں سرائے سخن

سجے سجائے مکاں پل میں ہو گئے مسمار

بیان درد کی کس طرح تاب لائے سخن

بجز ہوائے ہنر کچھ نہیں متاع حیات

ہمارے بعد کہیں گے سبھی کہ ہائے سخن