zamin-e-dil pe sabhi aasman chhoD gaya

zamīn-e-dil pe sabhī āsmān chhoḌ gayā

vo ik yaqīn thā lekin gumān chhoḌ gayā

na.ī zamīn nayā āsmān chhoḌ gayā

tirā vajūd mirī dāstān chhoḌ gayā

har ek saañs meñ kyoñ imtihān chhoḌ gayā

niDhāl jism meñ vo saḳht jaan chhoḌ gayā

na jaane kitne savāloñ ko de diyā mauqa

vo be-zabān thā lekin bayān chhoḌ gayā

gayā safar pe to phir lauT kar nahīñ aaya

vo apne paañv ke lekin nishān chhoḌ gayā

nayā irāda na.ī manziloñ ko paane meñ

purānī soch purānī takān chhoḌ gayā

'zahīn' dil thā jo pahle hī de diyā us ko

ab ik dimāġh bachā thā so dhyān chhoḌ gayā

zamin-e-dil pe sabhi aasman chhoD gaya

wo ek yaqin tha lekin guman chhoD gaya

nai zamin naya aasman chhoD gaya

tera wajud meri dastan chhoD gaya

har ek sans mein kyon imtihan chhoD gaya

niDhaal jism mein wo saKHt jaan chhoD gaya

na jaane kitne sawalon ko de diya mauqa

wo be-zaban tha lekin bayan chhoD gaya

gaya safar pe to phir lauT kar nahin aaya

wo apne panw ke lekin nishan chhoD gaya

naya irada nai manzilon ko pane mein

purani soch purani takan chhoD gaya

'zahin' dil tha jo pahle hi de diya us ko

ab ek dimagh bacha tha so dhyan chhoD gaya