zamin hai wahm to ye aasman dhuan dhuan hai

zamīñ hai vahm to ye āsmāñ dhuāñ dhuāñ hai

makāñ ḳhayāl hai aur lā-makāñ dhuāñ dhuāñ hai

hai ḳhushbuoñ ko tire jism-o-jān se nisbat

agar nahīñ hai to har jism-o-jāñ dhuāñ dhuāñ hai

vahāñ jo hijr meñ poshāk-e-ā.ina hai ḳhaak

to ek shakl-e-barahna yahāñ dhuāñ dhuāñ hai

agar sadā-e-shab-e-be-karāñ nahīñ pur-shor

to ālam-e-saf-e-sayyārgāñ dhuāñ dhuāñ hai

ajiib ahd hai sab mash.aleñ haiñ rū-ba-zavāl

fasurda lau meñ chamaktā gumāñ dhuāñ dhuāñ hai

palaT bhī aa ki tire intizār meñ koī dukh

koī vajūd koī sham.a-dāñ dhuāñ dhuāñ hai

ajiib haiñ ye dil-o-dīda-o-nigāh-o-nafas

ye aag paanī havā sab dhuāñ dhuāñ dhuāñ hai

agar hai kār-e-hunar meñ bhī jabr-e-arz-e-hunar

to lāzmī hai ki haft āsmāñ dhuāñ dhuāñ hai

zamin hai wahm to ye aasman dhuan dhuan hai

makan KHayal hai aur la-makan dhuan dhuan hai

hai KHushbuon ko tere jism-o-jaan se nisbat

agar nahin hai to har jism-o-jaan dhuan dhuan hai

wahan jo hijr mein poshak-e-aina hai KHak

to ek shakl-e-barahna yahan dhuan dhuan hai

agar sada-e-shab-e-be-karan nahin pur-shor

to aalam-e-saf-e-sayyargan dhuan dhuan hai

ajib ahd hai sab mashalen hain ru-ba-zawal

fasurda lau mein chamakta guman dhuan dhuan hai

palaT bhi aa ki tere intizar mein koi dukh

koi wajud koi shama-dan dhuan dhuan hai

ajib hain ye dil-o-dida-o-nigah-o-nafas

ye aag pani hawa sab dhuan dhuan dhuan hai

agar hai kar-e-hunar mein bhi jabr-e-arz-e-hunar

to lazmi hai ki haft aasman dhuan dhuan hai