zamin kam hai yahan aasman thoDa hai

zamīn kam hai yahāñ āsmān thoḌā hai

tavaqquāt se terā jahān thoḌā hai

bas ik hamāre hī sar par hai us kā dast-e-sitam

har ek shaḳhs pe vo mehrbān thoḌā hai

kuchh aur log bhī haiñ mere ḳhair-ḳhvāhoñ meñ

faqat tujhī se ye dil bad-gumān thoḌā hai

lagā.e rakkhā hai bas maiñ ne yūñhī jī varna

tirā jahāñ mire shāyān-e-shān thoḌā hai

hai mere mansab-o-jāh-o-jalāl par bhī nazar

mirī taraf hī qabīle kā dhyān thoḌā hai

zarā sā hausla rakhne kī baat hai 'nāmī'

ye koh-e-ġham hai koī āsmān thoḌā hai

zamin kam hai yahan aasman thoDa hai

tawaqquat se tera jahan thoDa hai

bas ek hamare hi sar par hai us ka dast-e-sitam

har ek shaKHs pe wo mehrban thoDa hai

kuchh aur log bhi hain mere KHair-KHwahon mein

faqat tujhi se ye dil bad-guman thoDa hai

lagae rakkha hai bas main ne yunhi ji warna

tera jahan mere shayan-e-shan thoDa hai

hai mere mansab-o-jah-o-jalal par bhi nazar

meri taraf hi qabile ka dhyan thoDa hai

zara sa hausla rakhne ki baat hai 'nami'

ye koh-e-gham hai koi aasman thoDa hai