zamin ke qibla-numaon ko pichhli martaba aazma liya tha

zamīñ ke qibla-numāoñ ko pichhlī martaba aazmā liyā thā

isī liye is safar meñ qutbī sitāre se mashvara liyā thā

hamārī duniyā meñ jitnī chīzeñ thiiñ sab kī hai.at badal ga.ī thī

ḳhizāñ kī rut meñ kisī ne shāyad bahār kā giit gā liyā thā

tumhī batāo khare ko khoTe se kis tarīqe alag kiyā jaa.e

yahāñ ke logoñ ne to cliche kī shakl meñ falsafa liyā thā

maiñ jāntā huuñ ki us ke hoñToñ pe kyā hai aur us ke dil meñ kyā hai

ki maiñ ne aslī mutūn paḌhne ke baad hī tarjuma liyā thā

tumhāre kahne pe apne chehre se us ne zulfeñ haTā to lī thiiñ

magar batāo ki bheñT meñ us charāġh ne tum se kyā liyā thā

maiñ hañste hañste tumhārī āñkhoñ ke sāmne ḳhud-kushī karūñgā

tumheñ pata to chale ki maiñ ne sukūn kā bhed pā liyā thā

zamin ke qibla-numaon ko pichhli martaba aazma liya tha

isi liye is safar mein qutbi sitare se mashwara liya tha

hamari duniya mein jitni chizen thin sab ki haiat badal gai thi

KHizan ki rut mein kisi ne shayad bahaar ka git ga liya tha

tumhi batao khare ko khoTe se kis tariqe alag kiya jae

yahan ke logon ne to cliche ki shakl mein falsafa liya tha

main jaanta hun ki us ke honTon pe kya hai aur us ke dil mein kya hai

ki main ne asli mutun paDhne ke baad hi tarjuma liya tha

tumhaare kahne pe apne chehre se us ne zulfen haTa to li thin

magar batao ki bhenT mein us charagh ne tum se kya liya tha

main hanste hanste tumhaari aankhon ke samne KHud-kushi karunga

tumhein pata to chale ki main ne sukun ka bhed pa liya tha