zamin ko phul faza ko ghaTaen deta hai

zamīn ko phuul fazā ko ghaTā.eñ detā hai

mujhe falak se vo ab tak sadā.eñ detā hai

vahī navā-gar-e-ālam ḳhudā-e-saut-o-sadā

vahī havā ko faqat saa.eñ saa.eñ detā hai

vahī kahīñ gul-e-naġhma kahīñ gul-e-nauha

vahī ġhamoñ ko saroñ kī qabā.eñ detā hai

vo koh-sār-e-tahayyur vo āb-shār-e-nidā

ḳhamoshiyoñ ko bhī kyā kyā nidā.eñ detā hai

koī to ro.e lipaT kar javān lāshoñ se

isī liye to vo beToñ ko maa.eñ detā hai

zamin ko phul faza ko ghaTaen deta hai

mujhe falak se wo ab tak sadaen deta hai

wahi nawa-gar-e-alam KHuda-e-saut-o-sada

wahi hawa ko faqat saen saen deta hai

wahi kahin gul-e-naghma kahin gul-e-nauha

wahi ghamon ko saron ki qabaen deta hai

wo koh-sar-e-tahayyur wo aab-shaar-e-nida

KHamoshiyon ko bhi kya kya nidaen deta hai

koi to roe lipaT kar jawan lashon se

isi liye to wo beTon ko maen deta hai